Letras Wat, Usser Rock'N' Roll - BAP

Wat, Usser Rock'N' Roll

Die nähxte Stadt, dieselbe Crew, nur’n andre Hall
En Dos' Bier un Schwachsinn om Hotelkanal
Häzzschlaach em Takt vun nem Song
Dä du ald 1000 Mohl
Op dä Tour jespillt häss
Häss dir ahm Telephon
De Finger wundjewählt
Wenn se sich doch melde däät!
Ding Phantasie läuf Amok, un du stells dir vüür
Wie 'e se em Arm hällt
Un Sprüch afflööt, die se vun dir nie jehührt
Nur als Streuner häss du dich joot jeföhlt
Wat, usser Rock’n’Roll
Un wat dozojehührt
Hätt dich je fasziniert
Hätt dich je intressiert?
Eez wenn et Saalleech stirv un du’m Verfoljer stehs
Un vun der Bühn uss die Jesichter siehs
Für die du noh Stääne griefs
Eez wenn du op die Reis durch ding Erinnrung jehs
Bess du do, wo du Jeföhle ennjestehs
Kalt un heiß, laut un leis
Wat, usser Rock’n’Roll?
Un wat dozojehührt
Dich noch berührt?
" … un wat bliet övvrisch?" - hässte dich schon off jefrooch
Wenn du ir’ndwo wachloochs
Un dir dann selvs e «X zum U» paratjemaat
«Ess et dat wert?», wenn du die Schirve soochs
Immer ohne Antwoot
Dat bessje Rock’n’Roll
Für all dä Selvsbetrooch
Ess dir dat — em Ähnz — jenooch?
Saach: Ess dir dat — em Ähnz — jenooch?
Eez wenn et Saalleech stirv un du’m Verfoljer stehs
Un vun der Bühn uss die Jesichter siehs
Für die du noh Stääne griefs
Eez wenn du op die Reis durch ding Erinnrung jehs
Bess du do, wo du Jeföhle ennjestehs
Kalt un heiß, laut un leis
Wat, usser Rock’n’Roll?
Un wat dozojehührt
Dich noch berührt?