Letra Gennaro è fetente - Foja

Gennaro è fetente

Dicene ca è 'o pazzo d’o quartiere e nun se po' arrepiglià
Che arrobba 'e suonne d’a gente 'a notte e tene sempre che ffà
Dicene ca nunn'è maje cuntento
Che se ne fotte d’e giudizie d’a gente
Dicene ca Gennaro è fetente
Ma fa 'o servizio pe' niente
Miezo a 'nu filo 'e luce se ne stà
E arò vene nun se sa'
Cu l’uocchie 'e chi l’ha vista 'a 'nfamità
Pe' addò passa nun se sa'
Ma cerca sempe umanità
Pure addò nun ce ne sta
Dicene ca nun tene sanghe dint’e vene e c’ha scuntato doje pene
S’addorme 'e quatte d’a matina addò parulano
Dicene ca è troppo curiuso
Cu 'a mazza 'e scopa piglia e 'nventa coccos'
Dicene ca è chesto e ca è chell'
Ma nisciuno sa' niente
Miezo a 'nu filo 'e luce se ne sta
E arò vene nun se sa'
Cu l’uocchie 'e chi l’ha vista 'a 'nfamità
Pe' addò passa nun se sa'
Ma cerca sempe umanità
Pure addò nun ce ne sta
Miezo a 'nu filo 'e luce se ne stà
E arò vene nun se sa'
Cu l’uocchie 'e chi l’ha vista 'a 'nfamità
Piglia passa e se ne va
Ma quanto tiempo adda aspettà
Primm' ca tu tuorne ccà