Letras Zofall Un 'E Janz Klei Bessje Glöck - BAP

Zofall Un 'E Janz Klei Bessje Glöck

Ne Zofall bloß, dat et jraad he die Stadt wohr
Jraad he dä Park, dä noh Holundler roch
Met welke Ruhse, nur noch Jestrüpp met Dohne
Un doch vertraut, neu wohr hück bloß ihr «Doch»
Suvill wie Basta, — hä kennt dä Punkt, wo Schluß ess
Definitiv: jespreng wohr jede Bröck
Hä ring noh Luff, «wievill noch vun dä Tiefschlääch?»
Un wirf et Handoch — «wohr wohl nix met Glöck!»
Dann ahm Kanal entlang un keiner säht jet
Total verwirrt — en Leuchtschriff «Zimmer frei»
't wohr ihr Hotel, su’n Bruchbuud wie sick Johre
Dann noch en Naach, die wie ne stumme Schrei
E Saxophon, fröhmorjens vun jottweißwo
Hä fing dä Breef … «hann't immerhin versöök»
En dämm Moment jeht sie durch die Arkade
Postskriptum steht do noch: «ich wünsch dir trotzdem Glöck»
«Drieh bloß nit durch», befiehlt’e sich, «op keine Fall, Mann»
Hä kennt dä Trick, dä en der Rejel funktioniert:
«Einfach su dunn, als wöhr dir alles drissejal, Mann
Als wöhr sie’t letzte, wat dich jemohls interessiert»
Ne blinde Bettler op nem Schachbrett hällt der Hoot hin
En Handvoll Kleinjeld hätt se övvrich, wirf et rinn
Dä Ahl nick dankend un zällt noh, ob et jenooch ess
«wohl nur ne Zofall», sähte, luhrt ihr noh un grins
Bei ihm em Zemmer em Hotel, do tick en Uhr bloß
He musse russ — verflucht, nochmohl — doch wohin nur?
Hä irrt nohm Hafen raff, he wohr die Auswahl nie groß
Och wenn et heiß, dat he Matrose Schangse hann
Ihm ess ejal, aff wo en Sehnsucht zo 'ner Sünd weed
«Die krieg ich widder», schwörte sich — «die krie’sch zeröck
Weil mir sinn Zwillinge, mir zwei, wat nie vorbeijeht
'sch bruch nur 'ne Zofall un e janz klei' bessje Glöck … »