Letras Lu sciccareddu 'mbriacu - Domenico Modugno

Lu sciccareddu 'mbriacu

Chista è a storia di 'nu sciccareddu ca um buleva caminari. Allura lu patruni
lu struppiava ci dava cauci sutta 'a panza, jastimava comu un turcu,
ma 'u sciccareddu nenti! … 'un caminava…
Passau di dda 'n amicu ca ci dissi: «Ma senti un po', cumpà. tu accussì a 'stu
sceccu l’accidi!»
«Ca sì l’accidu pi la raggia! 'un 'u vidi ca um boli caminari? Chi ci ha 'a
fari allura?»
L’autru: «Noooo…- dici — noo!, Chî scecchi 'un t’ha 'a arraggiàri picchì cchiù
t’arràggi e menu camìnanu. Prova a dàrici 'n'antìcchia 'i vinu e vidi ca si
scorda 'a fissa e camina»
'U patruni fici accussì. Ma 'mbeci di dariccìnni 'n'antìcchia ci nni detti 'nu
catu
'U sciccareddu sû vippi tuttu e 'un sulu 'un caminau, ma si stinnicchiò 'n
terra e si misi comodamenti. a dòrmiri. «Picciotti, purtàtimi 'u saccu di la
pagghia ca 'u sceccu nun camina. parola d’unùri ca stasìra l’accidu ju.
Aahh camina, malicarni!!! A parola me ca ti dugnu un muzzicuni nt’arìcchia
stasìra ju…»
Chista è la storia di 'nu sciccareddu
Ca num bulìa tirari cchiù 'a carretta
Allura lu patruni ca bacchetta
Ci dìa quattro corpi 'nna la schina
Ma lu sceccu nun camina
Nun gli 'mporta propriu nenti
Li mazzati nun li senti
E dda fermu sempri sta
E lu patruni tuttu arraggiatu
Comu 'nu turcu ha jastimatu:
«Bisogna ca jimu a lu mulinu
E arrì, arri, arri, arrì, arrì, arrì, a!
Ha' jiri a fatihà»
Ma lu sciccareddu nun camina
'Un gli importa propriu nenti
Li mazzati nun li senti
E dda fermu sempri sta
«Hi ho, hi ho, hi ho, ha…»
«Ma 'nsumma camini o un ha a camini, ah?»
«Haaaa… "
Si truvau passannu allura nu cumpari
«S'intendi lu cunsigghiu d’un amicu
Si propriu lu vo faci caminari
Bisogna chi li dai ‘nu pocu ‘i vinu
S’adducisci lu palatu
Ca 'nu pocu s’auticizza
Accussì ci passa a stizza
E vedrai camminerà»
Ma lu patruni esageratu
'nu sicchiu sanu di vinu anticu
Lu sciccareddu. s’era mbriahatu.
E arrì, arri, arri, arrì, arrì, arrì, a!
Ma sceccareddu nun camina
'un gli importa propriu nenti
Du patruni ca mpazzisci
Ca si tira li capiddi
Mo' s'è stisu propriu 'n terra
Sciccareddu s’addurmisci…
«Haahahahah… ahh…»