Letra Dīzgon borgais rudiņs nuoca - Tautumeitas

Dīzgon borgais rudiņs nuoca

Dīzgon borgais rudiņs nuoca
Solna kūkim lopys trauc
Dīzgon osa izkapteite
Vuorpys dzanūt teirumeņ'
Zīma, zīma byus
Lai tys borgais rudiņs nuoca
Jaunim ļaudim prīca nuoca
Lobus mīžus nūpļuovuši
Soldan' olu darejuši
Kuozys, kuozys byus
Cep, māmeņa, meikstu maizi
Aun, meitini, boltys kuojis
Sedz, muoseņa, boltu gultu
Jou deļ tevim tautys brauc
Tautys, tautys brauc
Lobū rūku kotrys ceļsit
Gredzinteni puormaineisit
Tāvam, muotei vedekleņa
Maņ pošami ļaudoveņa
Nu šuos dīnys byus
Meitiņ dūmoj prīca byus
Niu tik tāva bāda byus
Vēļ gadeņa nadzeivoja
Jou iz rūku mozuleits
Namīrs tev tik byus
Pyrmā godā tautīts mani
Tik iz rūku vīn auklēj'
Ūtrejā, trešejā
Nalaiž gultys maliņā
Ai, voi, maliņā
Kab as itū zynavuse
Muotis kurpu naāvuse
Muotis kurpis slydnys beja
Īsleidēja tautiņuos
Ai, voi, tautiņuos
Tautiņuos — rogonuos
Kai laipuoti īlaipovu
Laipu lyku pī laipenis
Izlaipuoti navarieju
Ai, voi, navariej'