Letra Ragnarök - Corvus Corax

Ragnarök

Brœðr munu berjask ok at bönum verðask,
munu systrungar sifjum spilla;
hart er í heimi, hórdómr mikill,
skeggjöld, skámöld, skildir 'ru klofnir,
vindöld, vargöld, áð veröld steypisk;
man engi maðr öðrum þyrma.
Leika Míms synir, en mjötuðr kyndisk,
at inu gamka Gjallarhorni;
Hátt blæss Heimdallr, Horn er á lopti;
Mælir Oðinn við Mims höfuð.
Sal sér hon standa sólu fegra
gulli þakðan á Gimlé;
þar skulu dyggvar dróttir byggja
ok um aldrdaga ynðis njóta.